13 jun 2022
Nunatta Eqqartuussisuuneqarfia
Peqqarniitsumik nakuusernermut suliami eqqartuussut - K017/20
Arnaq 51-inik ukiulik Qeqqata Eqqartuussivianit eqqartuunneqarpoq inooqatiminil sakiaatigut igaffimmi savimmik kapisisimasutut. Inooqataasup sakiaa pisup kinguneranik ilummut putullugu kappoqarpoq.
Eqqartuussiviup eqqartuussutaa arnamit suliareqqitassanngortinneqarsimavoq sakkukinnerusumik pineqaatissinneqarnissani piumasaqaatigalugu.
Eqqartuussisuuneqarfiup inerniliinera
Sakissakkut savimmik kapisineq nakuuserneruvoq peqqarniitsorujussuaq, nalinginnaasumillu taamaattoq utaqqisitaanngitsumik sivisunerusumik inissiisarfimmut inissinneqarnermik pineqaatissiissuteqarfigineqartarluni. Inatsisinilli unioqqutitsineq eqqartuussisuuneqarfimmi suliarineqarnissaa ukiup aappaata affaa sinnerlugu sioqqullugu piliarineqarsimavoq, suliallu sivisuumik suliarineqarneranut arnap pissusianik pissuteqanngilaq. Tamatuma saniatigut arnaq allorfiup ataani kursusersimasvoq kamani aqussinnaalerumallugu, tamatigullu inuttut pissusia ajunngitsup tungaanut inerikkiartorsimavoq. Piffissaq sivisooq suliap suliarineqarneranut atorneqarsimammat, arnallu piffissap ingerlareersup iluani inuttut atukkaminik aaqqiisimammat, pineqaatissiissut aalajangiunneqarpoq inuiaqatigiinni sulisitaanermut ukiup aappaa affarmi kiisalu pinerluttunik isumaginnittoqarfimmit nakkutigisaaneq ukiuni marlunni.
Aalajangiinerup ullua
Eqqartuussut Nunatta Eqqartuussisuuneqarfianit oqaatigineqarpoq ulloq 27. maaji 2020
Suliap normua: K 017/20
Eqqartuussissutit nassuiaatillu