20 mai 2022
Nunatta Eqqartuussisuuneqarfia
Ulluni 14-ni pineq. inissiisarfimmiittussanngortinneqarluni - K 200/20
Nunatta Eqqartuussisuuneqarfiani 8. december 2020 angut 21-nik ukiulik pisuutinneqarpoq biilit aqqusinertigut biilissutigigamikkit ingerlatitsisinnaanermut allagartartaarsimanani.
Eqqartuussissut Nunatta Eqqartuussisuuneqarfianit oqaatigineqarpoq ulloq 8. december 2020.
Unnerluutigineqartup eqqartuussaassutigivaa 26. aamma 27. juni 2019 pinerlineqatini peqatigalugu inuinnaat biiliat tillillugu ingerlatigisimallugu Maniitsup aqqusiniisigut. Taamatullu aamma eqqartuussaassutigivaa bilimik ingerlatsineq, tillillugu ingerlassimasaq, naak ingerlatsisinnaanermut akuersissummik pissarnikuunngikkaluarluni. Pisuunermik apeqqut Nunatta Eqqartuussisuuneqarfianut suliareqqitassanngortinneqanngilaq.
Suliani motorimik ingerlatilimmik tillilluni ingerlatsinermi aamma ingerlatsisinnaanermut akuersissuteqarani eqqartuussisarnermi periuseq malillugu pineqaatissiisarneq malillugu, pineqaatissiineq aalajangersarneqassaaq utaqqisitamik ulluni 14-ini pineqaatissinneqarsimasunut inissiisarfimmiittussanngortinneqarnermik ukiumik ataatsimik misiligaaffilikkamik aamma akiligassinneqarpoq 2.000 kr.-inik.
Eqqartuussisuuneqarfik isumaqarpoq sakkukillisaataasinnaasoqanngitsoq imaluunniit sakkortusaataasinnaasoqarani, suliap matuma pineqaatissiissummik aalajangersaaffigineqarnissaanut pingaarutilimmik.
Unnerluutigineqartoq eqqartuunneqarpoq utaqqisitamik ulluni 14-ni pineqaatissinneqarsimasunut inissiisarfimmiittussanngortinneqarluni. Pineqaatissiissutip naammassineqarnissaa kinguartinneqarpoq atorunnaassallunilu ukioq ataaseq misiligaaffioreerpat. Taamatullu aamma unnerluutigineqartup akilissavaa akiligassiissutit 2.000 kr.-it.
Suliap normua: K 200/20
Eqqartuussissutit nassuiaatillu