Toqutseriarnermigut ukiuni 2-ni pin. inissiisarfimmiit. - K 161/20

Eqqartuussissut Nunatta Eqqartuussisuuneqarfianit oqaatigineqarpoq ulloq 24. november 2020.

Unnerluutigineqartoq Eqqartuussisoqarfik Sermersuup eqqartuussutaatigut ulloq 7. august 2020 pisuutinneqarpoq unioqqutitsinermut pinerluttulerinermi inatsimmi § 86, tak. § 12, tassa uini savimmik kapillugu toqutseriarnermut. Unnerluutigineqartoq tamatumani eqqartuunneqartuunneqarluni ukiuni marlunni pineqaatissinneqarsimasunut inissiisarfimmiittussanngortinneqarluni. Suliaq nunatta eqqartuussisuuneqarfiani taamaallaat sivisussusiliilluni suliareqqitassanngortitsinertut suliarineqarpoq.

Periuseq malillugu toqutseriarnerit pineqaatissinneqartarput ukiut pingasut aamma ukiut sisamaata affaani pineqaatissinneqarsimasunut inissiisarfimmiittussanngortitsinermik. Nunatta Eqqartuussisuuneqarfiata sukumiilluinnartumik nalilersuereernermi tunngavissaqartippaa aallaavik tamanna saneqqunneqarsinnaasoq. Tamatumani nunatta eqqartuussisuuneqarfiata pingaartippai paasissutissat unnerluutigineqartup inuttut atugarisaanut tunngasut, tamatumani ilaatinneqarluni paasissutissat sivisuumik napparsimasimanera aamma siusinnerusukkut imminut toqoriaraluarsimanera, kiisalu paasissutissat uinilu inooqatigiinneranni pissutsinut tunngasut. Taamatullu aamma nunatta eqqartuussisuuneqarfiata nalilersuinerani ilaatinneqarpoq, unnerluutigineqartoq siusinnerusukkut pineqaatissinneqarnikuunnginnera.

Nunatta eqqartuussisuuneqarfianit sakkortusaatusut pingaartinneqarpoq peqqarniitsumik pinerluutigineqartup iliuuserineqarsimanera, unnerluutigineqartup uini arfineq pingasunik ikinnerunngitsumik kiataatigut aamma niaquatgut kapoorsimammagu, taamaalilluni isumaqarnarluni iluatitsinerinnakkut uia kapoorneqarnerminit inuunermik ulorianartorsiorsimanngitsoq. Taamaattullu aamma eqqartuussisuuneqarfiup pingaartillugu, paasissutissat naapertorlugit saassussineq sioqqullugu illuatungeriit akornanni aaqqiagiinngittoqarsimannginnera.

Qulaani oqaatigineqartut tunngavigalugit pineqaatissiissut ataatsimoortillugu ukiuni marlunni pineqaatissinneqarsimasunut inissiisarfimmiititsinissaq aalajangersarneqarsinnaasoq. Paasissutissat, tassa unnerluutigineqartup isumassorneqarnissamik pisariaqartitsinera nammineerluni inerniliissutaasinnaanngilaq eqqartuunneqarneranik taamaallaat nakkutigisassassanngortinneqarneranik, tak. Pinerluttulerinermi inatsimmi § 131. Tamatunnga atatillugu eqqartuussisuuneqarfimmit oqaatigineqarpoq, pinerluutip peqqarniissusia taamatut suliami matumani pineqaatissiinissami tamatuma atorneqarnissaa akerliummat.

Taamaalilluni nunatta eqqartuussisuuneqarfita eqqartuussisoqarfiup eqqartuussutaa atuuttussanngortippaa.

Eqqartuussisoqarfiup eqqartuussutaa atuuttussanngortippaa.

Suliap normua: K 161/20

Eqqartuussissutit nassuiaatillu