14 mar 2022
Nunatta Eqqartuussisuuneqarfia
Piffissami kill. pineqaatissiissut atortussanngortinneqarpoq - K 135/20
Eqqartuussaq 43-nik ukioqarluni 2007-imi Nuup Eqqartuussivianit pisuutinneqarpoq arlaleriarluni meeqqanut kinguaassiuutitigut atornerluisarnermigut, eqqartuunneqarlunilu Danmarkimi tarnit nakorsaannit aqunneqartumut inissisiarfimmut inissinneqassasoq piffissami killiligaanngitsumi.
Eqqartuussissut Nunatta Eqqartuussisuuneqarfianit oqaatigineqarpoq ulloq 14. oktober 2020.
Eqqartuussiviup tunngavilersuutai malillugit atsikkutigiissaarinissarlu eqqarsaatigalugu allatut inerniliisoqarsinnaanngimmat, pineqaatissiissutip eqqartuussutigineqarsimasup atorunnaarsinnissaanut tunngavissaqannginnera aalajangerneqarpoq.
Illersuisumit oqaatigineqartutut kinguaassiuutitigut perusussuseqartarnermik annikillisaatinik itigartitsisarnerup saniatigut, psykologiimut psykiatrimullu tunngatillugu pineqaatissinneqartup tigummiinnarnissaanut tunngavissaqannginnera, allatut inerneqartitsisinnaanngilaq. Tamatumunnga maluginiarneqassaaq oqaaseqaatit saqqummiunneqartut malillugit katsorsarneqarnissamik pisariaqartitsineranik ersiuteqarpoq aammattaaq ingiallorteqarani aneertanerit suli aallartissimanatik, soorluttaaq inoqqataaqqilernissamut sungiusarnissaq eqqarsaatigalugu suliamik aallarniisoqarsimanani.
Unnerluussisussaatitaasut piumasaqaataat tamanna tunngavigalugu malitseqartinneqarpoq.
Eqqartuussiviup aalajangiinera atuuttussanngortinneqarpoq.
Suliap normua: K 135/20