15 dec 2020
Nunatta Eqqartuussisuuneqarfia
Qaammatini pingasuni inissiisarfimmiittussanngortitsisoqartoq - K 118/19
Angut 22-nik ukiulik puujaasanik utertitassanik tillinnermut, biilimik ataasiarluni aallarussinermut, oqarasuaammik angallattakkamik ujajaanermut niuertarfimmilu puujaasanik utertitassanik ujajaanermut
Eqqartuussisoqarfimmi Sermersuummi eqqartuunneqarpoq qaammatini pingasuni inissiisarfimmiittussanngortinneqarluni utaqqisitamik.
Suliaq eqqartuussisuuneqarfimmut unnerluussisussaatitaasunit suliareqqitassanngortinneqarpoq, sukannernerusumik pineqaatissiinissaq piumasaqaatigineqarluni.
Angut 22-nik ukiulik piumasaqaateqarpoq pisimasumi, oqarasuaammik angallattakkamik ujajaanermut tunngasumi, pinngitsuutitsisoqassasoq.
Eqqartuussisuuneqarfiup inerniliinera
Eqqartuussisuuneqarfiup eqqartuussisoqarfik isumaqatigalugu isumaqarpoq, unnerluutigineqartup oqarasuaammik angallattakanik ujajaaqataasimanera uppernarsarneqarsimasoq. Eqqarsaatigalugu unnerluutigineqartoq ujajaanernut marlunnut pisuutinneqartoq, aamma pisimasoq ataaseq peqqarniitsuusoq pisimasullu taakku tamarmik eqqartuussisuuneqarfimmi eqqartuussummik isumaqatigiinniuteqarnissaq ukiunik tallimanik sioqqullugu piliarineqarsimasut, eqqartuussisoqarfiup pineqaatissiissummik sivisussusiliisimanera eqqartuussisuuneqarfiup taperserpaa, taamaattumillu eqqartuussisoqarfiup eqqartuussutaa atuuttussanngortinneqarpoq.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 13. september 2019
Suliap normua: K 118/19
Nunatta Eqqartuussisuuneqarfiata eqqartuussissutaa
Sermersuup eqqartuussiviata eqqartuussissutaa