12 okt 2020
Nunatta Eqqartuussisuuneqarfia
Eqqartuussisuuneqarfiup eqqartuussut allanngortippaa - K 154/19
Arnaq inuusuttoq 26-nik ukiulik Eqqartuussisoqarfik Qaasuitsumit qaammatini pingasuni pineqaatissinneqarsimasunut inissiisarfimmiittussanngorlugu eqqartuunneqarpoq.
matumani nipituumik sakkortuumillu pissusilersorsimanermigut unnerluutigineqartup imerniartarfimmi Nanuaqqami najuuttut ajoqqusersorsimammagit, soorluttaaq matulerisup inuuneranik siorasaarsimallugu politiimullu sulisumut nukersorsimalluni.
Eqqartuussiviup pineqaatissiissutip suli naammassinngisap ullunik 730-nik sivisussusillip atuutsilersinneqarnissaa tunngavissaqartinngilaa, pisimasut iperagaanermi piffissami misilinneqarfiusumi iliuuserineqarsimagaluarpataluunniit pisimasut immikkut isigineqartariaqarmata.
Suliaq eqqartuussisuuneqarfimmit sivisussusiliinermik suliareqqitassanngortitatut suliarineqarpoq.
Eqqartuussisuuneqarfiup inerniliinera
Eqqartuussisuuneqarfiup pineqaatissiissut ataatsimoorussamik pineqaatissiissutitut aalajangersarpaa, matumani pisimasut tamarmik unnerluutigineqartup misiligummik iperagaanermi nalaani piffissap misilinneqarfiusup iluani iliuuserisimammagit. Pineqaatissiissut ukiuni marlunni qaammatinilu pingasuni pinngitsoorani pineqaatissiinneqarsimasunut inissiisarfimmiittussanngortitsineqartut aalajangersarneqarpoq. Eqqartuussisuuneqarfiup aalajangersaanermini inummut ulorianartumik pinerluuteqartoqarsimanera ilaatigut tunngavilersuutigaa.
Aalajangiinerup ullua
Eqqartuussut Eqqartuussisuuneqarfimmit oqaatigineqarpoq ulloq 9. september 2019.
Suliap normua: K 154/19
Nunatta Eqqartuussisuuneqarfiata eqqartuussutaa
Qaasuitsup eqqartuussiviata eqqartuussutaa