29 apr 2021
Nunatta Eqqartuussisuuneqarfia
Qimuttuuteqarsinnaatitaanermik pisinnaataaffiiagaaneq K 097/19
Angut 52-inik ukiulik Qaasuitsup Eqqartuussisoqarfianit eqqartuunneqarpoq akiligassiinermik 9.000 kr.-imik
kiisalu ukiuni 5-ini qanorluunniit uumasuuteqarnissamut pisinnaatitaaffiiagaaluni pinerluttulerinermi inatsimmi § 101-mik unioqqutitsinermi kiisalu inatsisartut inatsisaani nr. 18, 30. oktober 1998-imeersoq qimminik qimuttuuteqarneq pillugu il.il. § 28, imm. 1, aamma 3, tak. § 14, 15, imm. 1 aamma 3 malillugu. Eqqartuussisoqarfiup unnerluutigineqartup nammineerluni nassuiaataa tunngavigalugu uppernarsivaa, qimmit qimuttut 9-it akisussaassuseqanngitsumik iliorfigisimagai aamma pitsaanerpaamik anniarnissaat pinngitsoortinniarlugu illersorsimanngikkai, anniaateqarnerat, ataavartumik kingunipilutsitsinissat aammalu ajoqusinnginnissaat, naammaginartumik nerukkartarsimanagit alakkartarsimaginagillu, tamatuma kingunerisaanik qimmit marluk perlerlutik toqusimallutik sinneri arfineq marluk naalliuuteqaqqinnginnissaat pissutigalugu toqunneqartariaqarsimallutik.
Eqqartuussisoqarfiup eqqartuussutaa nunatta eqqartuussisuuneqarfianut suliareqqitassanngortinneqarpoq pisinnaatitaaffiagaanertaa pillugu.
Nunatta Eqqartuussisuuneqarfiata inerniliinera
Nunatta eqqartuussisuuneqarfiata eqqartuussisoqarfiup eqqartuussutaa atuuttussanngortippaa ilaatigut pingaartinneqarluni, unnerluutigineqartoq siusinnerusukkut assingusumik iliuuseqarneranut akiliisinneqarnikuummat. Nunatta Eqqartuussisuuneqarfiata isumaqatigivaa ukiuni tallimani pisinnaatitaaffiigaaneq. Paasissutissat, tassa unnerluutigineqartoq aalisarnermik inuussutissarsiuteqarnera taamaattumillu qimmiminik pinngitsuuisinnaannginnera tunngavittut pingaartinneqanngilaq.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 5. august 2019
Suliap normua: K 097/19
Nunatta Eqqartuussisuuneqarfiata eqqartuussutaa
Qaasuitsup eqqartuussiviata eqqartuussutaa