13 jun 2022
Nunatta Eqqartuussisuuneqarfia
eqqartuussisoqarfiup eqqartuussutaa allanngortinneqartoq - K 128/19
Angut 51-nik ukiulik qaammatini pingasuni utaqqisitamik pineqaatissinneqarsimasunut inissiisarfimmiittussanngorlugu eqqartuunneqarpoq pinerluttulerinermi inatsimmi § 79-mi meeqqamik 15-t inorlugit ukiulimmik atoqateqarnermut aalajangersakkamik unioqqutitsisimanerminut.
Unnerluutigineqartoq mitagaanermut ajunngitsorsiassanik 20.000 kr.-nik akiliisussatut eqqartuunneqarportaaq. Eqqartuussisoqarfiup pinerlinneqartup apersorneqarnerata videokkut immiunneqarneranit nassuiaataa tunngavilersuutigaa, matumani nassuiaammat unnerluutigineqartoq utsuinut inussaminik mangusseriaraluarsimasoq.
Eqqartuussisuuneqarfiup inerniliinera
Pisimasup suussusaa sakkortussusaalu eqqarsaatigalugit eqqartuussisoqarfiup eqqartuussutaa eqqartuussisoqarfimmit allanngortinneqarpoq, unnerluutigineqartoq taamaalilluni ulluni 60-ni pineqaatissinneqarsimasunut inissiisarfimmiittussanngorlugu eqqartuunneqarluni. Eqqartuussisuuneqarfiup ilanngullugu tunngavilersuutigaa illuatungeriit ukiuisa assigiinngissuserujussuat pinerlinneqartullu unnerluutigineqartup najugaaniissimanera peqqutigalugu ernera aapparisimammagu. Eqqartuussisoqarfiup mitagaanermut ajunngitsorsiassat pillugit aalajangersagaa eqqartuussisuuneqarfimmit atuuttussanngortinneqarpoq.
Ulloq aalajangiiffik
Eqqartuussut Nunatta Eqqartuussisuuneqarfianit oqaatigineqarpoq ulloq 15. august 2019
Suliap normua: K 128/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa