13 jun 2022
Nunatta Eqqartuussisuuneqarfia
Sakkukinnerusumik pineqaatissiisoqarpoq - K197/19
Eqqartuussisoqarfik Sermersuumit angut 41-nik ukiulik nakuuserneq sioorasaarinerlu pillugit eqqartuunneqarpoq qaammatini pingasuni pineqaatissinneqarsimasunut inissiisarfimmiittussanngortinneqarluni.
Pisimasut piliaapput 2017-imi, unnerluutigineqartup taamanikkut arnaatini arlaleriarluni isimmissimagamiuk, taamaalilluni ilaatigut najungasua ataaseq napisimalluni. Nakuusereernerup kingorna, qaammatit marluk qaangiummata, unnerluutigineqartup arnaq sms-ikkut allaffigisimavaa nakuusernissamik sioorasaarlugu.
Eqqartuussiviup eqqartuussutaa unnerluutigineqartumit suliareqqitassanngortinneqarpoq piumasaqaatigalugu sioorasaarinermut tunngasortaanut pinngitsuutitaanissani.
Nunatta eqqartuussisuuneqarfiata inerniliinera
Nunatta eqqartuussisuuneqarfiata eqqartuussivik isumaqatigaa, tassa unnerluutigineqartup unioqqutissimagaa pinerluttulerinermi inatsit § 98 sioorasaarineq pillugu. Nunatta eqqartuussisuuneqarfiata pingaartippaat, sms-ikkut allatat oqaasertai, kiisalu unnerluutigineqartup sms-ikkut allatat qaammatit marluk qaangiummata nassiussimammagit, tassa annertuumik nakuuserfiginerarsimallugu. avde udsat hende for alvorlig vold.
Pineqaatissiissut aalajangerneqarpoq inuiaqatigiinni sulisitaasussanngorlugu nalunaaqquttap akunnerini 80-ini ukiumik ataatsimik sivisunerpaaffilerlugu kiisalu ukioq ataaseq qaammatillu arfinillit nakkutigisassanngortillugu. Sakkukillisaataasutut eqqartuussisut pingaartippaat unnerluutigineqartup inuttut atugai pitsaasut, aamma piffissap suliamut atorneqartup sivisunera tassa ukioq ataaseq qaammatillu tallimat, tamannalu suliamut nakuusernermut tunngatillugu sivisuallaarpoq.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 17. april 2019.
Suliap normua: K 197/19
Nunatta Eqqartuussisuuneqarfiata eqqartuussutaa