Gå til sidens indhold

Nunatta Eqqartuussisuuneqarfia

17 dec 2020

Nunatta Eqqartuussisuuneqarfia

Ujajaaneq, tillinniarnerit kiisalu pigisanik ajoqusiinerit - K 211/18

Angut 27-nik ukiulik ujajaanermut, tillinniarnernut kiisalu pigisanik ajoqusiinermut Eqqartuussisoqarfik Kujallermi pisuutinneqarpoq. Unnerluutigineqartoq eqqartuussummi tamatumanerpiaq tillinnernut marlunnut kiisalu pigisanik ajoqusiinermut ataatsimut pinngitsuutinneqarpoq.

Unnerluutigineqartoq assingusumik pinerluuteqarnermut siornatigut arlaleriarluni pineqaatissinneqartareernnikuugami ulluni 30-ni inissiisarfimmiittussanngortinneqarluni eqqartuunneqarpoq.

Aammattaaq niuertarfimmut iserterfigisimasaminut taarsiisussanngortinneqarluni eqqartuunneqarpoq.

Unnerluussisussaatitaasut eqqartuussisoqarfiup eqqartuussutaa taanna suliareqqitassanngortippaat, eqqartuussisoqarfimmut unnerluussissutaasimasoq naapertorlugu eqqartuussuteqartoqarnissaq sukannernerulersitsinissarlu piumasaqaatigalugit.

Eqqartuussisuuneqarfiup inerniliinera

Pisimasunut unnerluutigineqartup pisuutinneqarfigisaanut tunngatillugu eqqartuussisoqarfiup uppernarsaatinik naliliisimanera eqqartuussisuuneqarfiup isumaqatigaa. Tamatuma saniatigut eqqartuussisuuneqarfiup uppernarsarneqarsoraa unnerluutigineqartoq eqqissiviilliortitsinermut, pigisanik ajoqusiinermut kiisalu tillinnermut pisuusoq, unnerluutigineqartorlu taamaalilluni pisimasunut arfinilinnut pisuutinneqarpoq. 

Suliamik suliaqarnerup sivisunera unnerluutigineqartullu siornatigut eqqartuussaasarsimanera eqqarsaatigalugit eqqartuussisuuneqarfiup pineqaatissiissut ulluni 60-ini inissiisarfimmiittussanngortitsinermut aalajangersarneqarpat tulluartuusoraa.

Ulloq aalajangiiffiusoq

Eqqartuussut Nunatta Eqqartuussisuuneqarfianit oqaatigineqarpoq ulloq 12. februar 2019

Suliap normua: K 211/18

Nunatta Eqqartuussisuuneqarfiata eqqartuussissutaa

Kujalliup eqqartuussiviata eqqartuussissutaa

Nassuiaat