Gå til sidens indhold

Nunatta Eqqartuussisuuneqarfia

14 jun 2022

Nunatta Eqqartuussisuuneqarfia

Nakuuserneq - K 233/18

Angut 25-nik ukiulik Qeqqata Eqqartuussivianit eqqartuunneqarpoq ukiuni pingasuni inissiisarfimiittussanngortinneqarluni, marloriarluni peqqarniitsumik nakuuserneq pillugu, pineqartoq saviminermik arlaleriarluni anaartarlugu niaquata saarnga nuttanneqalersillugu aammalu aserorterineq pillugu.

Eqqartuussissut Nunatta Eqqartuussisuuneqarfianit oqaatigineqarpoq ulloq 5. februar 2019

Pineqaatissiissutip sivisussusilerneqarnerani Nunatta Eqqqartuussisuuneqarfiata sakkortusaatitut pingaartippaa unnerluutigineqartup marloriarluni peqqarniitsumik nakuusersimanera, ataaseq immikkut peqqarniissusiliulluni ataavartumik ajoqusernermik kinguneqartumik, aappaalu inissiisarfimmi tigummigallagaanerani pisimalluni. Sakkukillisaatitut Nunatta Eqqartuussisuuneqarfiata pingaartippaa unnerluutigineqartup ukiukitsuunera aamma pillarneqarnikuunnginnera.

Tamakkiisumik naliliinerup kingorna pineqaatissiissut ukiumi ataatsimi qaammatinilu arfinilinni inissiisarfimmiittussanngortitsinermut tulluartumik aalajangersarneqarsinnaavoq.

Eqqartuussisoqarfiup saviminermik amitsikujuumik arsaarinnissuteqarnissaq pillugu aalajangiisimanera eqqartuussisut isumaqatigaat.

Qeqqata Eqqartuussisoqarfiata eqqartuussutaa 15. november 2018-imeersoq allanngortinneqarpoq, taamaalilluni unnerluutigineqartoq eqqartuunneqarpoq ukiumi ataatsimi qaammatinilu arfinilinni inissiisarfimmiittussanngortinneqarluni.

Tamatuma saniatigut eqqartuussut atuuttussanngortinneqarpoq, taamaalilluni savimineq amitsukujooq arsaarinnissutigineqarpoq.

 

Suliap normua: K 233/18

Nunatta Eqqartuussisuuneqarfiata eqqartuussissutaa

Eqqartuussiviup eqqartuussissutaa

Nassuiaatit 1

Nassuiaatit 2