14 dec 2020
Nunatta Eqqartuussisuuneqarfia
Paasissutissanik peqquserlunneq pillugu suliami eqqartuussut - K 014/19
Angut 45-nik ukiulik paasissutissanik peqquserlunnermut Eqqartuussisoqarfik Kujallermit pisuutinneqarpoq, taannami najugaqatigiiffimmi tatigisaalluni sulisuutilluni najugaqatigiiffiup tigutsisaa atorlugu katillugit kr. 5.000-inik tigusisimavoq.
Aammattaaq najugaqatigiiffimmut taarsiisussanngortinneqarpoq.
Eqqartuussisoqarfiup eqqartuussutaa taanna unnerluussisussaatitaasunit suliareqqitassanngortinneqarpoq, sakkukillisaanissaq piumasaqaatigineqarluni.
Eqqartuussisuuneqarfiup inerniliinera
Eqqartuussisuuneqarfiup pineqaatissiissutaasimasoq unnerluussisussaatitaasut piumasaqaataat malilugu allanngortippaa, tamatumalu kingorna inissiisarfimmiittussanngortitsineq utaqqisitanngortinneqarpoq. Eqqartuussisuuneqarfiup tamatumani pingaartippaa, aningaasat amerlanngitsut taamaallaat peqquserluutigineqarsimappata sulisaaseq naapertorlugu inissiineq utaqqisitanngortinneqartartoq, pinerlunneq atorfeqarnerup nalaani piliarineqarsimagaluarpalluunniit.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 15. februar 2019
Suliap normua: K 014/19
Nunatta Eqqartuussisuuneqarfiata eqqartuussissutaa