29 apr 2021
Nunatta Eqqartuussisuuneqarfia
Angallannermik inatsimmik unioqqutitsinermi - K124/19
Angutip 47-inik ukiullip pinngitsoorani tunuarsimasussaanini malinngilaa nermallammut pulagami tamatumalu kingunerisaanik biili alla aporlugu. Tamanna piliarineqarpoq unnerluutigineqartup akiliisitsussut tamanna sioqqulugu akuerinikuugaa aamma ingerlatsisinnaatitaanermik arsaarneqareerluni ukiumi ataatsimi qaammatinilu arfinilinni angallannermi inatsimmik unioqqutitsinikkut.
Nunatta eqqartuussisuuneqarfiata inerniliinera
Nunatta eqqartuussisuuneqarfiata eqqartuussisoqarfik assigalugu unnerluutigineqartoq pisuutippaa unioqqutitsinermut angallannermi inatsimmi § 22 imm. 1 aamma § 32, imm. 2, isumaqarlutillu angallannermi kukkuluttorneq kinguneqartinneqartariaqartoq utaqqisitaanngitsumik ingerlatsisinnaanermut allagartamik arsaarinnittoqarneranik.
Eqqartuussisuuneqarfiup oqaatigivaa, siusinnerusukkut ingerlatsisinnaanermut allagartamik arsaarinnittoqarnera aalajangiiffigineqarsimammat piffissami, suliami matumani eqqartuussutigineqartumi pisimasoq pereersoq (imaappoq, pisimasoq eqqartuussutaasussaq pinerluttulerinermi inatsimmi § 124 naapertorlugu) aammalu ataatsimut piffissaq arsaarinnissuteqarfiusoq ukiut marluusussaasimagaluarluni pisimasut ataatsimoortillugit eqqartuussutigineqarsimagaluarpata.
Unnerluussisussaatitaasunit piumasaqaatigineqarpoq arsaarinninneq ”nutaaq” nunatta eqqartuussisuuneqarfiata ulloq eqqartuussiffia aallarnerfigalugu atuutitilerneqassasoq.
Isiginiarlugu pinerluttulerinermi inatsimmi § 124-p atornerani unnerluutigineqartoq ajornerusumik atugassaqalersinneqanngimmat, siusinnerusukkut ingerlatsisinnaanermut allagartamik arsaarinnittoqarnerani maannakkullu pisimasup ataatsikkut suliarineqarsimagaluarpata, eqqartuussisuuneqarfik isumaqarpoq qaammatini arfinilinni arsaarinninneq naatsorsorneqassasoq siusinnerusukkut arsaarinninnerup naaneraninngaaniit. Piffissami eqqartuussisuuneqarfiup eqqartuussuteqarnerani ulloq 23. december 2019 piffissaq arsaarinnissuteqarfiusoq naareernikuuvoq, taanna naagami ulloq 17. april 2019-imi, taamaattumillu tamanna unnerluutigineqartumut akornataanaviarani.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 23. december 2019-imi.
Suliap normua: K 124/19
Nunatta Eqqartuussisuuneqarfiata eqqartuussutaa
Sermersuup eqqartuussiviata eqqartuussutaa