17 dec 2020
Nunatta Eqqartuussisuuneqarfia
Nakuuserluni pinngitsaaliilluni atoqatiginneriaraluarneq - K 0182/19
Angut 18-inik ukiulik arnamik pinngitsaaliilluni atoqatiginneriaraluarsimanermut Qaasuitsup Eqqartuussisoqarfianit eqqartuunneqarpoq qaammatini arfinilinni inissiisarfimmiittussanngortinneqarluni utaqqisitamik, unnerluutigineqartummi arnaq nuluisigut attuuasimavaa qungasiatigullu tigullugu
tamatumalu kingorna nutsullugu ineeqqamut allamukaassimallugu. Aammattaaq biilinik akuerineqarani atuisimanermut allagartaqaranilu biilersimanermut pisuutinneqarpoq.
Taanna eqqartuussisoqarfimmit eqqartuunneqarsimavoq mitagaanermut taarsiissutinik kr. 40.000-inik arnamut akiliisussanngortinneqarluni.
Eqqartuussut taanna unnerluussisussaatitaasunit suliareqqitassanngortinneqarpoq sukannernerulersitsinissaq piumasaqaatigineqarluni.
Eqqartuussisuuneqarfiup inerniliinera
Suliaq eqqartuussisuuneqarfimmi pineqaatissiissummik sivisussusiliinertut suliarineqarpoq. Unnerluutigineqartup unioqqutitsinernut qulaani eqqaaneqartunut pisuutinneqarsimanera eqqartuussisoqarfiup tunngavilersuutaasa assingi tunngavilersuutigalugit eqqartuussisuuneqarfiup isumaqataaffigaa. Eqqartuussisuuneqarfiup pineqaatissiissummik aalajangersaanermini sakkukillisaataasutut pingaartippaa unnerluutigineqartup ukiukitsuunera aamma siornatigut eqqartuussaanikuunnginnera. Pineqaatissiissut akunnerni 120-ni inuiaqatigiinni sulisitaanermut matuma kingorna aalajangersarneqarpoq. Tamatuma saniatigut eqqartuussisuuneqarfiup eqqartuussut atuuttussanngortippaa.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 15. november 2019
Suliap normua: K 182/19
Nunatta Eqqartuussisuuneqarfiata eqqartuussissutaa
Qaasuitsup eqqartuussiviata eqqartuussissutaa