29 apr 2021
Nunatta Eqqartuussisuuneqarfia
Pinngitsaaliinerup atortussanngortinneqarnera - K126/19
Angut 55-inik ukiulik Eqqartuussisoqarfik Qaasuitsumi eqqartuunneqarpoq ukiuni marlunni pineqaatissinneqarsimasunut inissiisarfimmiittussanngorlugu pinngitsaaliisimaneq pillugu, meeqqamut kinguaassiutitigut iliuuseqarneq kiisalu kanngutaattuliorneq pillugu.
Nunatta eqqartuussisuuneqarfiata inerniliinera
Nunatta eqqartuussisuuneqarfiata eqqartuussiviup eqqartuussutaa atortussanngortippaa isumaqatigalugulu eqqartuussiviullu tunngavilersuugisisimasaata assinganik tunngavilersuuteqarluni, tassa unnerluutigineqartoq pinngitsaaliisimasutut, meeqqamut kinguaassiutitigut iliuuseqarsimasutut aamma kannguttaattuliorsimasutut pisuutinneqarpoq, unnerluutigineqartoq nakuusernissamik oqaaseqarani siorasaaraluni pinngitsaaliilluni atoqatiginnittarsimammat allatullu pinerlineqartumut atoqatiginnittarsimammat, taamatuttaarlu pinerlineqartup qatanngutaanut kannguttaattuliorsimavoq tassa niui usummi tissaqqasup qaavanut pisissimagamigit.
Ingammik innersuussutigalugu piffissap sivisuumik ingerlasimanera, tassani innarliinerit pimmata, aamma unnerluutigineqartoq pinerlineqartumut angajoqqaatut – inissisimanera tunngavigalugu nunatta eqqartuussisuuneqarfiata pineqaatissiissutip sivisussusilerneqarnera naapertuuttutut isigivaat.
Aalajangiinerup ullua
Eqqartuussut Kalaallit Nunaanni Eqqartuussisuuneqarfimmi ulloq 25. oktober 2019-imi oqaatigineqarpoq.
Suliap normua K 126/19
Nunatta Eqqartuussisuuneqarfiata eqqartuussutaa