Kalaallit Nunaanni Eqqartuussiviit
Maalaarutissaqaruit
Malittarisassatut pingaarnerpaatut maalaarutigisinnaavatit (aalajangeqqitassanngortissinnaavatit), eqqartuussivimmit imaluunniit Kalaallit Nunaanni Eqqartuussivimmi aalajangiinerit.
Eqqartuussut ingerlateqqitassanngortinneqaraangat tamanna taaneqararpoq suliareqqitassanngortitsineq.
Aalajangiineq ingerlateqqinneqaraangami tamanna taaneqartarpoq aalajangeqqitassanngortitsineq.
Eqqartuussisuuneqarfik suliami suliareqqitassanngortitami aalajangeqqitassanngortitamiluunniit aalajangereeruni, siusinnerusukkut eqqartuussisoqarfimmi Kalaallit Nunaata Eqqartuussivianiluunniit aalajangiussaq atuuttussaajunnaartarpoq.
Suliareqqitassanngortitsineq
Suliareqqitassanngortitsineq qanoq isumaqarpa?
Eqqartuussutit, eqqartuussivimmit imaluunniit Kalaallit Nunaanni Eqqartuussivimmit oqaatigineqartut (suliarinneqqaarfiusutut), Nunatta Eqqartuussisuuneqarfianut suliareqqitassanngortinneqarsinnaapput.
Suliami illuatungeriinni
Eqqartuussisuuneqarfiup eqqartuussutaa nalinginnaasumik suliareqqitassanngortinneqarsinnaanngilaq. Taamaattorli Suliareqqitassanngortitsinissamik Aalajangiisartut Eqqartuussiviit qullersaannut suliareqqitassanngortitsinissamik akuersissuteqarsinnaapput, sulianut tunngaviusumik immikkuullarissunut. Suliareqqitassanngortitsinissamut aalajangeqqitassanngortitsinissamulluunniit akuersissuteqartoqarnissaanik qinnuteqaat Nunatta Eqqartuussisuuneqarfianut Suliareqqitassanngortitsinissamik Aalajangiisartunulluunniit nassiunneqassaaq, kingusinnerpaamik eqqartuussisuuneqarfimmi eqqartuussutip oqaatigineqarneranit sapaatip akunneri arfineq pingasut qaangiutsinnagit.
Saqitsaannermik suliassat
Suliami ajorsaruit eqqartuussullu suliareqqitassanngortikkusullugu, suliaatinnut eqqartuussissuserisumut saaffiginninnikkut siunnersorneqarsinnasavutit.
Eqqartuussissuserisup ikiorsinnaavaatit piumasaqaativit uppernarsarnissaanut pisinnaatitaaffitillu qulakkeerlugit, eqqartuussivimmut paasissutissat pisariallit tunniunnissaat, piffissallu killiliunneqartut eqquutsinneqarnissaannut, Eqqartuussissuserisuttaaq ikorsinnaavaatit pineqartumut aningaasartuutaanngitsumik eqqartuussivikkoortitsinissamut qinnuteqarninni, piumasaqaatit naammassisimagukkit.
Eqqartuussiviup imaluunniit Kalaallit Nunaanni Eqqartuussiviup saqitsaannermi suliami eqqartuussutasa suliareqqitassanngortinneqartussaavoq nunap eqqartuussisuuneqarfianut sapaatit akunneri sisamat iluanni.
Suliaqqitassanngortitsineq allakkatigut eqqartuussisuuneqarfimmut suliareqqitassanngortitsinermik suliakkiissutitut tunniunneqassaaq. Suliareqqitassanngortitsinermi suliakkiissummi attaveqaatitut paasissutissat sapinngisamik amerlanerpaat ilinnut illuatungerisannullu tunngasut allassavatit, eqqartuussiviup suliaq pillugu attaveqarfigisinnaaniassammasi. Eqqartuussutip suliareqqitassanngortinneqartup assilineqarnera aamma ilanngutissavat.
Suliareqqitassanngortitsineq piumasaqaatitaqassaaq - eqqartuussivimmi inerneritikkusutamik, aamma piumasaqaatinnut tunngavilersuutit allassavat.
Pinerluttulerinermi suliat
Pinerluttulerinermi suliani eqqartuussutit sapaatip akunnerisa marluk iluanni suliareqqitassanngortinneqassapput. Unnerluussisussaatitaasut eqqartuussummik suliareqqitassanngortitsippata, unnerluussisussaatitaasut paasissutissiineriniit sapaatip akunnerinik marlunnik periarfissaqarputit, akerlianik suliareqqitassanngortitsinissannut.
Oqaatigineratigut imaluunniit allakkatigut suliareqqitassanngortitsisinnaavutit eqqartuussivimmut, eqqartuussutip suliarinneqqaarfimmi nalunaarutigineqarfianut imaluunniit politiinut.
Pinerluttulerinermi suliami eqqartuussutip suliareqqitassanngortinnissaa eqqarsaatigigukku, suliareqqitassanngortitsinissaq suliarinneqqaarfimmi illersuisorisallu oqaluuserisariaqarparsi. Illersuisuttaaq attaveqarfigisariaqarpat unnerluussisussaatitaasut suliareqqitassanngortitsippata.
Aaliangeqqitassanngortitsineq
Aaliangeqqitassanngortitsineq qanoq isumaqarpa?
Eqqartuussivimmi imaluunniit Kalaallit Nunaanni Eqqartuussivimmi eqqartuussinerup nalaani aalajangiinerit nunap eqqartuussisuuneqarfianut aalajangeqqitassanngortinneqarsinnaapput.
Aviisiliortut eqqartuussivimmi suliap, malinnaaffigerusutamik, suliarineqarnerani suliap matoqqasuunissaannik aalajangiinerit aalajangeqqitassanngortissinnaavaat.
Aaliangeriikkamik ingerlatitseqqittoqarsinnaava?
Aalajangiinerup aalajangeqqitassanngortinneqarsinnaaneranut pingaarnertut malitassaq malillugu pissaaq aalajangiinerup ulluaniit sapaatit akunneri marluk.
Aalajangeqqitassanngortitsineq eqqartuussinerup nalaani oqaasiinnakkut pisinnaavoq imaluunniit eqqartuussivimmut, aalajangiisumut, allaganngorlugu tunniullugu.
Aalajangeqqitassanngortitsinermi allakkiaq piumasaqaammik imaqassaaq – tassa imaappoq, illit eqqartuussisuuneqarfimmit suliamut inerneritikkusutat. Piumasaqaammut tunngavilersuut allattariaqarpat. Aalajangigassanngortitseqqinnermi allakkiaq atsiorneqassaaq, aamma eqqartuussiviup originalia tigussavaa. Illuatungiusoq assilineranik pissaaq.
Aalajangeqqitassanngortitsineq aallaavittut ingerlaannaq atuuttussanngortinneqarneq ajorpoq. Ima isumaqarpoq, eqqartuussiviup aalajangiussaa sunniuteqarpoq, aalajangeqqitassanngortitsinerpit eqqartuussisuuneqarfimmi suliarineqarnerani, aamma suliap suliarineqarnera ingerlaannarsinnaavoq.
Eqqartuussisuuneqarfiup aalajangiinera nalinginnaasumik aalajangeqqitassanngortinneqarsinnaanngilaq. Taamaattoq pisuni immikkuullarissuni suliareqqitassanngortitsinissamik Aalajangiisartut akuersisinnaapput, suliap Eqqartuussiviit qullersaanni aalajangeqqitassanngortinnissaanut. Tamanna akuersissuteqarnissamik piumasaqaatitaqarpoq, Suliareqqitassanngortitsinissamik Aalajangiisartut suliani tunngaviusumik immikkuullarissunut tunniussinnaasaannik. Aalajangiinermik aalajangeqqitassanngortitsinissamut akuersissummik qinnuteqaat eqqartuussisuuneqarfimmut nassiunneqassaaq aalajangiisoqarneranik sapaatip akunneri sisamat qaangiutsinnagit.
Paasissutissat kingulliit: 21. juulip 2023