05 sep 2022
Nunatta Eqqartuussisuuneqarfia
Ulluni 60-ni pineq. inissiisarfimmiittussanngortinneqarluni - K 141/22
Dom afsagt: 5. septembarip 2022
Angut 23-nik ukiulik Eqqartuussisoqarfik Qaasuitsumit eqqartuunneqarpoq qaammatini pingasuni eqqartuunneqarsimasunut inissiisarfimmiittussanngortinneqarluni, ilaatigut nakuuserneq, eqqissiviilliortitsineq, ujajaaneq, tillinniarneq aammalæu biilimik oqaqqaarani atuineq pillugit.
Eqqartuussissut Nunatta Eqqartuussisuuneqarfianit oqaatigineqarpoq ulloq 5. september 2021.
Nunatta eqqartuussisuuneqarfiata eqqartuussisoqarfik isumaqatigivaa, tassa pisimasoq 14 ima ilungersunartigimmat, aallaavittut aalajangersaasoqassasoq pineqaatissinneqarsimasunut inissiisarfimmiittussanngortitsinermik pineqaatissiisoqassasoq. Piffissaq suliap suliarineqarneranut atorneqartup sivisusimanera pissutigalugu, tamannalu unnerluussamut pisuutitsissutaasinnaanani, pineqaatissiissut aalajangersarneqarpoq unnerluussisussaatitaasup piumasaqataa malillugu utaqqisitamik ulluni 60-ni pineqaatissinneqasimasunut inissiisarfimmiittussanngortinneqarnermik ukiumik ataatsimik misiligaaffilikkamik, tak. Pinerluttulerinermik inatsimmi § 129.
Unnerluutigineqartumit akilerneqassaaq ilassutitut akiligassiissut 1.700 kr.-iusoq, tak. Aqqusinertigut angallannermi inatsimmi § 56a, imm. 3.
Oqaatigineqartut allannguutigalugit nunatta eqqartuussisuuneqarfiata eqqartuussut atuuttussanngortippaa.
Unnerluutigineqartoq eqqartuunneqarpoq ulluni 60-ni pineqaatissinneqarsimasunut inissiisarfimmiittussanngortinneqarluni. Pineqaatissiissutip naammassineqarnissaa kinguartinneqarpoq atorunnaassallunilu ukioq ataaseq misiligaaffioreerpat.
Unnerluutigineqartup akilissavai ilassutitut akiligassiissutit 1.700 kr.-it.
Eqqartuussisoqarfiup aalajangigai taarsiissutissanut aamma mitagaanermut ajunngitsorsiassat pillugit atuutussanngortinneqarput.
Suliap normua: K 141/22
Eqqartuussissutit nassuiaatillu