05 apr 2022
Nunatta Eqqartuussisuuneqarfia
Imigassartorsimatilluni biilersimanermut pinngitsuutinneqarpoq - K 162/21
Angut 35-nik ukiulik Sermersuumit eqqartuunneqarpoq akiligassinneqarluni 9.000 koruuninik qamutit motorillit ingerlassimagamigit imigassartoreersimalluni taamalu ingerlatsinerup nalaani kingornaluunniit aavani imigassap akuata una qaangersimallugu: 1,20 promille.
Eqqartuussissut Nunatta Eqqartuussisuuneqarfianit oqaatigineqarpoq ulloq 20. september 2021.
Uppernarsaasiisoqareerneratigut nunatta eqqartuussisuuneqarfia isumaqarpoq eqqartuussaasutaasinnaasumik naammattumik pisarialimmik uppernarsaasiisoqarsimanngitsoq.
Tamatumani nunatta eqqartuussisuuneqarfiata pingaartumik pingaartippaa, ilisimannittup, politibetjentip nassuiataa, taanna annerusumik maluginiakkaminik oqaluttuarsinnaanngilaq biilip motoria ingerlasimanersoq. Ilisimannittoq eqqartuussisoqarfimmi nassuiaasimavoq tusaasinnaallugu biilip motoria tomgangimik ikumasoq, tamannali allannguutaanngilaq. Taamaattumik qularnartoqarpoq ilumut biilimi pineqartumi motori ikumasimanersoq, taamatullu matuersaataa aallartittarfianut ikkunneqarsimanersoq.
Tamatumunnga sanilliunneqarluni unnerluutigineqartup pisuunnginnerarnera, aamma unnerluutigineqartup nassuiaanermini pissuserisaatigut, naammattumik tunngavissaqanngilaq eqqartuunneqarnissaanut.
Tamanna tunngavigalugu unnerluutigineqartoq unnerluutigineqaatiminut pinngitsuutinneqarpoq.
Suliap normua: K 162/21
Eqqartuussissutit nassuiaatillu