29 jun 2022
Nunatta Eqqartuussisuuneqarfia
Tarnimikkut nap. napparsimavianni katsorsagassanngortinneqarneq - K 077/21
Angut 43-nik ukiulik eqqartuussivimmi unnerluutigineqarpoq tarnimikkut nappaatillit napparsimavianni sulisunik siorasaarisimanermigut aammalu pisumi allami angummik siorasaarisimanermigut.
Eqqartuussissut Nunatta Eqqartuussisuuneqarfianit oqaatigineqarpoq ulloq 5. maj 2021.
Eqqartuussisoqarfiup eqqartuussutaa imatut allanngortinneqarpoq, unnerluutigineqartoq eqqartuunneqarluni kalaallit nunaanni tarnimikkut nappaatillit napparsimmavissuanni katsorsagassanngortinneqarluni Pinerluttunik Isumaginnittoqarfimmit nakkutigisaanertalimmik, angerlatitaanermilu Pinerluttunik Isumaginnittoqarfik tarnimikkut napparsimasunut immikkoortortaqarfimmi nakorsaaneq peqatigalugu aalajangiisinnaatitaassallutik tarnimikkut nappaatillit immikkoortortaqarfiannut unititseqqiinissamut.
Angerlartitsinermi makkuninnga naammassisassaliisoqassalluni:
- Pinerluttunik isumaginnittoqarfiup najugaqarnermut suliffeqarnermullu tunngatillugu aalajangersagaanik nakkutigisaanerup nalaani malinneqqusaasoqarluni.
- Peqquneqarluni pinerluttunik isumaginnittoqarfiup ersarinnerusumik aalajangiinera malillugu aanngaajaarniutinik atuipilunnermut nakorsanit akuerisaasumik katsorsartissasoq.
- Peqquneqarluni pinerluttunik isumaginnittoqarfiup isertitanik pigisanillu nalilinnik atuisinnaanermik killiliinera pillugu aamma aningaasatigut pisussaaffinnik eqqortitsinissaq pillugu aalajangersagaanik malinnissasoq.
Pineqaatissiissut sivisunerpaaffilerneqanngilaq.
Suliap normua: K 077/21
Eqqartuussissutit nassuiaatillu