15 feb 2022
Nunatta Eqqartuussisuuneqarfia
Pinerluttulerinermik inatsimmi § 88 - nakuuserneq - K 071/21
Angut 58-nik ukiulik pisuutinneqarpoq ullunilu 30-ni inissiisarfimmiittussanngortinneqarluni, arnaq niaquatigut arlaleriarluni tillugaramiuk, taamaalilluni arnaq pineqartup ilaatigut isaata talerperliup qulaatigut mersorneqartariaqakkamik aammalu isaata saamerliup qulaalerlugu kilerlugu.
Eqqartuussissut Nunatta Eqqartuussisuuneqarfianit oqaatigineqarpoq ulloq 8. april 2021.
Unnerluutigineqartoq eqqartuussisoqarfimmit eqqartuunneqarsimavoq arnaq pineqartoq niaquatigut tilluarsimallugu. Nakuusernerup kingunerisaanik ilaatigut isaata talerperliup qulaatigut mersortarialimmik passunneqartariaqarsimalluni aamma isimi saamerliup qulaatigut kilersimalluni.
Pisuunermik apeqqut nunatta eqqartuussisuuneqarfianut suliareqqitassanngortinneqarsimanngilaq.
Nunatta eqqartuussisuuneqarfiata eqqartuussisoqarfiup inerniliinera tunngavilersuineralu isumaqatigivai.
Taamaalilluni eqqartuussisuuneqarfiup isumaqatigalugu uppernarsineqartutut isigineqarsinnaanngitsoq sakkukillisaataasinnaasumik pineqaatissiinerup aalajangersarneqarnerani pingaartinneqarsinnaasumik.
Nakuusernerup peqqarniissusia aamma ajoqusernerit arnami pineqartumi paasineqartut isiginiarneqarlutik, nunatta eqqartuussisuuneqarfia isumaqarpoq eqqartuussisoqarfik naapertuuttumik eqqartuussuteqarsimasoq, tamatumani ilanngunneqarsimammat suliap suliarineqarnerani piffissaq atorneqarsimasoq.
Taamaattumik nunatta eqqartuussisuuneqarfiata eqqartuussisoqarfiup eqqartuussutaa atuuttussanngortippaa.
Suliap normua: K 071/21