Gå til sidens indhold

Nunatta Eqqartuussisuuneqarfia

08 feb 2022

Nunatta Eqqartuussisuuneqarfia

Inissiisarfimmiittussanngortinneqarpoq - K 080/21

Nunatta eqqartuussisuuneqarfianit eqqartuussisoqarfiup eqqartuussutaa atuuttussanngortinneqarpoq imatut allannguuserlugu, pineqaatissiissut utaqqisitaq qaffanneqarluni ullunut 60-inut.

Eqqartuussissut Nunatta Eqqartuussisuuneqarfianit oqaatigineqarpoq ulloq 12. april 2021. 

Aamma nunatta eqqartuussisuuneqarfiani uppernarsaasoqareerneratigut, eqqartuussisuuneqarfiup isumaqatigivai eqqartuussisoqarfiup tunngavigisatut oqaatigisimasai, tassa unnerluutigineqartoq pisuusoq unioqqutitsinermut pinerluttulerinermi inatsimmi § 88 angut pineqartoq ataasiarlugu niaquatigut tukersimallugu.

Suliap nunatta eqqartuussisuuneqarfianut saqqummiunnerani tunngavissaqanngilaq tunngaviginiassallugu nakuusernerup peqatigiilluni pisimanera imaluunniit eqqartuussinissaq suli allamik nakuusersimasutut eqqartuussisoqarfimmit isummerfigisap saniatigut.

Ataatsimut nalilersuereernermi nakuusernerup isikkuanik aamma annertussusianik nunatta eqqartuussisuuneqarfiata pineqaatissiissut qaffappaa ulluni 60-ni pineqaatissinneqarsimasunut inissiisarfimmiittussanngortitsinermik. Nunatta eqqartuussisuuneqarfiata sakkukillisaatitut isiginiarsimavai unnerluutigineqartup inuusunnera aamma inuttut atugarissaarnera.

Taasinerit marluk taasinerupput pineqaatissiissutip utaqqisitanngortinneqarnissaanik.

Taasisoq ataaseq isumaqarpoq nakuusernerup peqqarniissusia pissutigalugu tunngavissaqanngitsoq pineqaatissiissutip utaqqisitanngortinneqarnissaanut, taasissutigalugulu pineqaatissiissut utaqqisitaassanngitsoq.

Amerlanerussuteqartut isumaat malillugu eqqartuussut oqaatigineqarpoq.

 

Suliap normua: K 080/21

Eqqartuussissutit nassuiaatillu