08 feb 2022
Nunatta Eqqartuussisuuneqarfia
15-it inorlugit ukiulimmik kinguaassiutaatigut atoqatiginninneq - K 063/21
Unnerluutigineqartoq, 1986-imi inunngortoq, eqqartuussisoqarfimmit pisuutinneqarpoq unioqqutitsinermut pinerluttulerinermi inatsimmi § 79-mik pingasoriarluni niviarsiaraq 2005-mi inunngortoq atoqatigisimallugu, taanna 14-inik ukioqarsimavoq atoqatigiinnerit pimmata.
Eqqartuussissut Nunatta Eqqartuussisuuneqarfianit oqaatigineqarpoq ulloq 19. april 2021.
Pinerluutigineqartup isikkuanik aamma annertussusianik nalilersuereernermi, tassunga ilanngunneqarluni ukiumikkut nikinganerat, aamma arlaleriarluni atoqatigiinneq pisarsimammat, tunngavissaqanngilaq eqqartuussisoqarfiup pineqaatissiissutitut sivisussusiliinera sakkukillisaaffigissallugu tassunga ilanngullugu immikkut ittumik pineqaatissiissutip utaqqisitanngortinneqarnera.
Naak pissutsit pillugit oqaaseqartoqaraluartoq pisumi matumani aamma sukumiisumik nalilersuereernermi aamma matumani eqqartuussisoqarfiup pineqaatissiissutigalugu ulluni 30-ni pineqaatissinneqarsimasunut inissiisarfimmiittussanngortitsinermik sivisussusiligaa tunngavissaqanngilaq sakkortusaaffigissallugu, tamanna assigimmagu unnerluussisussaatitaasut eqqartuussisoqarfimmi piumasaqaataata.
Nunatta Eqqartuussisoqarfiata isumaqatigivaa eqqartuussisoqarfiup mitagaaneq pillugu ajunngitsorsiassanik aalajangersaasimanera.
Taamaattumik nunatta eqqartuussisuuneqarfiata eqqartuussisoqarfiup eqqartuussutaa atuuttussanngortippaa.
Suliap normua: K 063/21