31 jan 2022
Nunatta Eqqartuussisuuneqarfia
Nakuuserneq kannguttaalliorfiginninnerlu - K 050/21
Angut 52-nik ukiulik Sermersuup Eqqartuussiviani pisuutinneqarpoq nakuuserneq kannguttaalliorfiginninnerlu pillugit, ullunilu 31-ini pinerluuteqarsimasut inissiisarfimmiittussanngortinneqarluni. Unnerluunneqartup suliaq Nunatta Eqqartuussisuuneqarfianut suliareqqitassanngortippaa.
Eqqartuussissut Nunatta Eqqartuussisuuneqarfianit oqaatigineqarpoq ulloq 29. marts 2021.
Pisimasoq 1:
Aamma nunatta eqqartuussisuuneqarfianut uppernarsaasoqareerneratigut, eqqartuussisuuneqarfiup isumaqatigivai tunngavilersuutigineqartut eqqartuussisoqarfimmit oqaatigineqartut, unnerluutigineqartup pisimasoq 1-mi pisuutinneqarnerani unioqqutitsinermut pinerluttulerinermi inatsimmi § 88-mi arnaq pineqartoq arleriarlugu tilluarsimagaa.
Pisimasoq 2:
Arnaq pineqartoq nassuiaavoq, unnerluutigineqartup iviangimigut attualaarsimagaani aamma assani qarlimmi matertaaniitissimagaa qarliisa iluinut assani pisinniarsaralugu. Nunatta eqqartuussisuuneqarfianut nassuiaavoq unnerluutigineqartumit attuualaarneqarsimalluni taannalu eqqumasimasoq silaqarluni, nammineq sofami innangalluni sinitsilluni. Nassuiaatigineqartut unnerluutigineqartup nassuiaataanit ikorfartuiffigineqarput, tassa arnaq pineqartoq qanoq iliuuseqarfigisimallugu kingornatigullu utoqqatserfigisimallugu, aamma arnap pineqartup kamaassimagaani.
Unnerluutigineqartup nassuiaatigisaa sinissimanerarluni arnap pineqartup attuuasimanerani tunuartinneqarpoq pisup kingornatigut patsisissarsiornertut.
Oqaatigineqartut tunngavigalugu eqqartuussisuuneqarfiup isumaqatigivaa unnerluutigineqartoq pisuusoq unioqqutitsinermut pinerluttulerinermi inatsimmi § 84-imik, tassa arnaq pineqartoq iviangiatigut attualaarinninnermut aamma nalikkaavisigut attuualaarinneriarsimanermut.
Tassunga atatillugu aamma pinerluttulerinermi inatsimmi § 12 issuarneqassaaq.
Pineqaatissiinermi apeqqut:
Ataatsimut nalilersoreerlugit pinerluutip isikkua aamma annertussusia aamma unnerluutigineqartoq siusinnerusukkut assingusumik pinerluuteqarsimanermut pineqaatissinneqarnikuummat, naallu suliap suliarineqarnera sivisugaluartoq tunngavissaqanngilaq eqqartuussisoqarfiup pineqaatissiissummik sivissusiliinera utaqqisitaanngitsumik ulluni 30-ni pineqaatissinneqarsimasunut inissiisarfimmiittussanngortitsineq sakkukillisaaffigissallugu.
Taamaattumik nunatta eqqartuussisuuneqarfianit eqqartuussisoqarfiup aalajangiinera atuuttussanngortinneqarpoq.
Suliap normua: K 050/21
Eqqartuussissutit nassuiaatillu