21 jan 2022
Nunatta Eqqartuussisuuneqarfia
Pineqaatissiissut qaffanneqarluni qaammatinut arfineq pingasunut K 039/21
Unnerluutigineqartoq eqqartuussisoqarfimmit pisuutinneqarpoq ilaatigut tallimariarluni iserterluni tillinniarnermut, piliarineqartunut ulloq 4. november 2020 aamma pisimasuni marlunni tillinnernut piliarineqartunut ulloq 9. november 2020, katillugit naleqartunut 48.000 kr. missaanik
Eqqartuussissut Nunatta Eqqartuussisuuneqarfianit oqaatigineqarpoq ulloq 15. marts 2021.
Unnerluutigineqartoq eqqartuussisoqarfimmit pisuutinneqarpoq ilaatigut tallimariarluni iserterluni tillinniarnermut, piliarineqartunut ulloq 4. november 2020 aamma pisimasuni marlunni tillinnernut piliarineqartunut ulloq 9. november 2020, katillugit naleqartunut 48.000 kr. missaanik.
Unnerluutigineqartumut siusinnerusukkut pineqaatissiissutit aamma pinerluutigineqartarsimasut isikkui annertussusiilu nalilersuiffigereerlugit, nunatta eqqartuussisuuneqarfiata pineqaatissiissut qaffappaa qaammatini arfineq pingasuni pineqaatissinneqarsimasunut inissiisarfimmiittussanngortitsinermik. Nunatta Eqqartuussisuuneqarfiata tamatumani pingaartumik pingaartippaa unnerluutigineqartup assingusumik pinerluuteqarnermut pineqaatissinneqartarnerpassui aamma tassunga atatillugu sukkasuumik assingusumik pinerluuteqaqqittarsimanera.
Eqqartuussisoqarfiup eqqartuussutaa atuuttussanngortinneqarpoq imatut allannguusikkamik, pineqaatissiissut qaffanneqarluni qaammatini arfineq pingasuni pineqaatissinneqarsimasunut inissiisarfimmiittussanngortinneqarnermik.
Suliap normua: K 039/21