29 okt 2021
Nunatta Eqqartuussisuuneqarfia
6.500 kr.-nik akiligassiissut - K 209/21
Arnaq 27-nik ukiulik eqqartuunneqarpoq 6.500-nik akiligassinneqarluni peqquserlulluni aningaasaliamik 50,00 kuruuninik nalilimmik atornerluisimagami aammalu inuup allap kortimik atornerluisimalluni.
Eqqartuussissut Nunatta Eqqartuussisuuneqarfianit oqaatigineqarpoq ulloq 29. oktober 2021.
Pineqaatissiineq aalajangersarneqarpoq isiginiarneqarlutik, qarasaasiatigut peqquserlunnermi aningaasat annikitsuinnaat pineqarneri, immiaaqqat utertinneqarsimaneri, aamma unnerluutigineqartoq siusinnerusukkut pineqaatissinneqarnikuunngimmat eqqartuussummik, akiligassinneqarpoq 6.500 kr.-inik, tak. Pinerluttulerinermi inatsimmi § 127, tak. §§ 102 aamma 105.
Suliami uppernarsaassiiffigineqanngimmat Tusass-kontot qanoq immersorneqartarsimaneri, tassunga ilanngullugu oqarasuaat mobili atorlugu taamaaliortoqartarsimanera, eqqartuussisuuneqarfik isumaqarpoq tunngavissaqanngitsoq unnerluussisussaatitaasut piumasaqaataat arsaarinninniassamik oqarasuaammik mobilimik meqqeqartumik Samsung malissallugu.
Unnerluutigineqartup akiligassiissutit 6.500 kr.-it akilissavai.
Unnerluutigineqartoq arsaarinninnissamut piumasaqaammut pinngitsuutinneqarpoq.
Suliap normua: K 209/21