Eqqartuussisoqarfiup aalajangiinera atuuttussanngortinneqarpoq - K 002/21

Aaliangiineq Nunatta Eqqartuussisuuneqarfianit oqaatigineqarpoq ulloq 4. januar 2021.

Eqqartuunneqarsimasup isumaqataanerarfigivaa tigummigallagaanissaq eqqartuussisarnermi inatsimmi § 359, imm. 1, nr. 1, litra a aamma stk. 1, nr. 2, litra b aamma c malillugit pingasoriarluni nakuusernermut aamma siorasaarinermut. Taamaallaallu apeqqut tigummigallagaanermi paarlaallugu allamut inissiinissaq pineqarpoq matumani aalajangiinermi.

Eqqartuussisarnermi inatsimmi § 361, imm. 2, nr. 3-mi ersersinneqarpoq eqqartuussivik aalangiisinnaasoq tigummigallaaneq nammineq angerlarsimaffimmi pisinnaasoq taamaalilluni tigummigallagaanerup siunertaa tamatumuuna anguneqarsinnaappat. Aalangersagaq atuutitinneqartarpoq suliani inatsisineq unioqqutitsisunut inuusuppallaanut, tassani ukiui isiginiarneqartarlutik, immikkullu illuinnartumik eqqartuunneqarsinnaasunut, pineqaatissinneqarsimasunut inissiisarfimmiittussanngortinneqarnermik.

Illersuisup paarlaallugu allamut inissinneqarnissaanik piumasaqaatiminut tapersiutigalugu innersuussutigivaa pasineqartup innarluutaa kinguneqartitsisinnaammat isertitat allat taamaanneranik atornerluisinnaanerat.

Eqqartuussisoqarfiup tunngavilersuutigisai tunngavigalugit, aamma paasissutissat pasineqartup innarluutaanut tunngasut allatut inerniliissutaasinnaanngimmata, eqqartuussisuuneqarfiup eqqartuussisoqarfiup aalajangiinera atuuttussanngortippaa. Tamatuma oqaatigineqassaaq Pinerluttunik Isumaginnittoqarfiup suliassarimmagu pineqaatissinneqarsimasunut inissiisarfimmut inissitat isumannaatsuutinneqarnissaasa isumaginissaat, suliamilu matumani paarlaallugu allamut inissiinissaq pisinnaanngimmat annilaangaginninneq kisiat innersuussutigalugu.

Eqqartuussisuuneqarfimit oqaatigineqarpoq unnerluussisussaatitaasumit oqaatigineqarmat pasineqartoq sapinngasamik piaarnerpaamik isertitsivimmiit pineqaatissinneqarsimasunut inissiisarfivimmut nuutinneqarsinnaasoq.

Eqqartuussisoqarfiup aalajangiinera atuuttussanngortinneqarpoq.

Suliap normua: K 002/21

Eqqartuussissutit nassuiaatillu