Eqqartuussisoqarfiup eqqartuussutaa atuuttussanngortinneqarpoq - K 090/20

Eqqartuussissut Nunatta Eqqartuussisuuneqarfianit oqaatigineqarpoq ulloq 15. juni 2020.

Eqqartuussaq Ittoqqortoormiit eqqartuussiviannit ullormi 21. maj 2009 inooqatigisimasaminut nakuusernermut aamma siorasaarisimanini pissutigalugit katsorsagassanngortinneqarluni eqqartuunneqarpoq. Eqqartuussisoqarfik Sermersuup aalajangikkami kingullermi ulloq 10. februar 2017 aamma 4. maj 2020 eqqartuussinermi aalajangigaq atuuttussanngortippaa.

Nakorsap paasissutissiissutai suliamut saqqummiunneqartut tunngavigalugit eqqartuussisuuneqarfik tunngavissaqanngilaq eqaartuussutip pineqaatissiissutigineqartup atorunnaarsinneqarnissaanut. Eqqartuussisuuneqarfiup pingaartumik paasissutissani pingaartippaa eqqartuussaq kamattumik avammut sakkortuumik pissusilersortarnera nakorsaatitorsimanngikkaangami, 2020-mi sisamariarluni unitsitaasarsimavoq nakorsaatitorsimannginnini pissutigalugu sakortuumillu pissusilersortarluni, taamaattumik iliuuseqaqqissinnaanera annertuumik aarlerinaateqarluni. Tassungalu atatillugu oqaatigineqassalluni eqqartuussaq 2017-mi nalunaarfigineqarsimammat pinerluttulerinermi inatsimmi § 37-imik unioqqutitsisimanera unnerluussutaajunnaartoq, aamma siusinnerusukkut maannakkullu eqqartuussummi pineqarmat inunnut ilorianaatilimmik pinerluuteqarnerit.

Pissutsit, tassa eqqartuussummi pineqaatissiissutigineqartup 2009-meersuunera suliami allatut inerniliissutaasinnaanngilaq. Tassungalu oqaatigineqaatigineqassaaq pineqaatissiissut suli siunertarisamut naleqquttuttut isigineqartariaqarmat nutaamik pinerluuteqaqqissinnaanerata aarlerinassusia appartinneqarsimatinnagu.

Qulaani oqaatigineqaatigineqartut tunngavigalugit nunatta eqqartuussisuuneqarfianit eqqartuussisoqarfiup aalajangigaa atuuttussanngortinneqarpoq.

Suliap normua: K 090/20

Eqqartuussissutit nassuiaatillu