08 jul 2020
Nunatta Eqqartuussisuuneqarfia
Aqqusinertigut angallannermut inatsimmik unioqqutitsineq - K 058/20
Arnaq 37-nik ukiulik matuersaat ikkoqqatillugu biilimini issiavimmi saarlermi issiatilluni politiinit pisarnertut misissuinermut atatillugu saaffigineqarpoq. Politiit takusimavaat taakunga pinngitsiarnerminni biili aallartinneqarsimasoq.
Paasineqarpoq taassuma aava imigassamik akoqartoq 1,20 promillimit annertunerusumik. Taanna nassuiaavoq biilimi issiavianut saarlermut ingissimalluni ikinngutimi imminerminik aallertussap oqqarfigisimammani aquutip eqqaaniit pujortoqartoq.
Eqqartuussisuuneqarfiup inerniliinera
Eqqartuussisuuneqarfiup eqqartuussisoqarfittulli tunngaviutinneqartariaqaarsoraa arnap biilernissani siunertarisimagaa. Imigassartorsimalluni biilerneq aqqusinertigut angallannermut inatsimmik unioqqutitsinertut ilungersunartutut isigineqarmat eqqartuussisuuneqarfiup eqqartuussisoqarfik isumaqatigalugu pineqaatissiissut eqqartuussuteqavinermiit ukiuni marlunni biilersinnaanermut allagartaajaanermut kiisalu kr. 22.000-inik akiligassiinermut aalajangersarneqassasoraa.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 19. maj 2020
Suliap normua: K 058/20
Nunatta Eqqartuussisuuneqarfiata eqqartuussutaa