29 mar 2021
Nunatta Eqqartuussisuuneqarfia
Pinaaseriarsinnaanngitsumik atoqateqarneq - K 057/20
Angut 40-nik ukiulik Qeqqata Eqqartuussivianit pisuutinneqarpoq pinngitsaaliilluni atoqatiginnissimasutut pinerlisaq kujanninnermik allaanerusumik kinguaassiuutitigut atoqatigigamiuk, taanna qasoqqanini pissutigalugu akiuuteriarsinnaassuseqanngitsoq.
Unnerluutigisaq pisuunnginnerarpoq nassuiaallunilu, pinerlisaq taamatut pisoqarnissaanut siulliusimasoq. Eqqartuussiviup eqqartuuppaa inuiaqatigiinni sulisitaassasoq nalunaaquttap akunnerini 80-ini, taakkulu naammassineqarsimassasut piffissap sivisunerpaaffiusup qaammatinik arfineq-pingasunik sivisussuseqartup iluani.
Eqqartuussiviup unnerluutigisaq pinngitsuutippaa mitagaasimanermut taarsiissuteqarnissamut pinerlisamut, taassuma eqqartuussivimmi taamaattunik piumasaqaateqarani oqarmat.
Nunatta eqqartuussisuuneqarfiata inerniliinera
Suliaq nunatta eqqartuussisuuneqarfiani nalileeqqiffigisassatut suliarineqarpoq. Unnerluutigisap suliami pissutsit atuuttut pillugit paasissutissiissutai eqqarsaatigalugit nunatta eqqartuussisuuneqarfiata akueraa, pineqaatissiissut aalajangerneqarsimammat inuiaqatigiinni sulisitaanermut.
Nunatta eqqartuussisuuneqarfiata eqqartuussiviup eqqartuussutaa tamakkiisumik atortussanngortippaa.
Aalajangiinerup ullua
Eqqartuussut Kalaallit Nunaata Eqqartuussisuuneqarfianit oqaatigineqarpoq ulloq 29. apriili 2020.
Suliap normua: K 057/20
Eqqartuussissutit nassuiaatillu