13 jun 2022
Nunatta Eqqartuussisuuneqarfia
Pinngitsaaliinermi aamma kannguttaatsuliorfiginninnermi suliami eqqartuussut - K263/19
Angut 29-inik ukiulik eqqartuussisoqarfiup eqqartuuppaa arnamik Pineqaatissinneqarsimasunut Inissiisarfimmiititamik pinngitsaaleeriarsimasutut. Aamma eqqartuussaassutigivaa arnaq alla inissiisarfimmiitinneqartoq atisaata qaavisigut iviangiisigut aamma uppataasigut attualaarsimallugu
Nunatta Eqqartuussisuuneqarfiata inerniliinera
Nunatta eqqartuussisuuneqarfianit uppernarsineqartutut isigineqarpoq angutip arnaq inissiisarfimmiitinneqartoq iviangiisigut aamma uppataatigut attualaarsimagaa taanna piumanngitsoq. Kisiannili eqqartuussisuuneqarfimmit uppernarsineqanngilaq attualaarinninneq atoqatigiinnermut assingusutut taaneqarsinnaanera, taamaattumillu kannguttaatsuliorfiginninnerulluni pinngitsaaliinerunanilu. Pisimasup aappaani nunatta eqqartuussisuuneqarfiata isumaqatigivaa eqqartuussisoqarfiup uppernarsaatinik naliliinera.
Pineqaatissiissut aalajangersarneqarpoq qaammatini pingaaasuni inissiisarfimmiittussanngortitsinermik. Angutip akilissavai arnamut peqqarniinnerusumik kanngutaatsuliorfiginninnermut mitagaaneranut ajungitsorsiassat 15.000 kr.-it. Arnap aappaanut akilissavai mitagaanerat ajunngitsorsiassatut 5.000 kr.-it.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 12. februar 2020-imi.
Suliap normua: K 263/19
Nunatta Eqqartuussisuuneqarfiata eqqartuussutaa