Gå til sidens indhold

Nunatta Eqqartuussisuuneqarfia

05 mai 2021

Nunatta Eqqartuussisuuneqarfia

Iliuutsimut akerlileeriarsinnaanngitsumik pinngitsaaliilluni atoqatiginninnermi suliami eqqartuussut - K234/19

Eqqartuussisoqarfik Sermersooq angummik 53-inik ukiulimmik eqqartuussivoq qaammatini sisami pineqaatissinneqarsimasunut inissiisarfimmiittussanngortitsinermik kinguaassiutitigut allatut atoqatiginninnermut iliuutsimut akerlileeriarsinnaanngitsumut, tassa pinerlineqartup utsuinut inussani mangussimagamigit. Eqqartuussisoqarfiup unnerluutigineqartoq pinngitsuutippaa iliuutsimut akerlileeriarsinnaanngitsumik atoqateqarnermut aamma pinerlineqartumut mitagaaneranut 30.000 kr.-inik ajunngitsorsiassanik akiliinissamut.

Nunatta Eqqartuussisuuneqarfiata inerniliinera

Suliaq nunatta eqqartuussisuuneqarfiani suliaq sivisussusiliinermik suliareqqitassanngortitsinertut suliarineqarpoq. Nunatta Eqqartuussisuuneqarfiata pineqaatissiissutissamik aalajangersaanermi pingaartippaa, unnerluutigineqartoq siusinnerusukkut pineqaatissinneqarnikuunnginnera, taamaattumillu taamaallaat eqqartuunneqarluni qaammatini marlunni inissiisarfimmiittussanngortinneqarnermik. Taamatullu aamma nunatta eqqartuussisuuneqarfiata mitagaanermut akiligassat appartippai 15.000 kr.-inut, tassa iliuuserisamut akiuuteriarsinnaanngitsumik iliuuseqarneq pineqanngimmat, kisianni kinguaassiutitigut allatut atoqateqarneq.

Ulloq aalajangiiffik

Nunatta Eqqartuussisuuneqarfianit eqqartuussut nalunaarutigineqarpoq ulloq 5. februar 2020.

Suliap normua: K 234/19

Nunatta Eqqartuussisuuneqarfiata eqqartuussutaa

Sermersuup eqqartuussiviata eqqartuussutaa

Nassuiaatit