21 mar 2022
Nunatta Eqqartuussisuuneqarfia
Qaammatini 10-ni pineqaa. inissiisarfimmiittussanngorlugu - K 137/20
Angut 38-nik ukiulik Qaasuitsup eqqartuussiviani pisuutinneqarpoq marloriarluni siorasaarisimanermigut aammalu marloriarluni nakuusersimanermigut. Pisimasuni allani pinngutsuutitaavoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 19. oktober 2020.
Pineqaatissiissummik aalajangersaanermi eqqartuussisuuneqarfiup tunngavilersuutigaa siorasaarinerit sakkortuut marluk kiisalu nakuusernerit pingasut pineqarnerat, matumani immiaaqqap puuanik aserornikumik sakkulerluni ataasiarluni nakuusersimaneq ilanngullugu. Eqqartuussisuuneqarfiup ilanngullugu tunngavilersuutigaa unnerluutigineqartoq arlaleriarluni assingusumik pinerluuteqarsimanermut pineqaatissinneqarsimanera, kiisalu suliami pisimasoq 1 nakuusersimanerminut pineqaatissinneqarsimasunut inissiisarfimmiit aneqqammerluni pisimanera.
Tamatuma kinguneranik pineqaatissiissutip qaammatini qulini pineqaatissinneqarsimasunut inissiisarfimmiittussanngortitsinertut aalajangersarneqarnissaa naleqquppoq. Eqqartuussisuuneqarfik isumaqanngilaq pineqaatissiissut naammassineqareertutut isigineqarsinnaasoq unnerluutigineqartup piffissami tigummigallagaanerani. Tamatumunnga maluginiarneqassaaq unnerluutigineqartoq qaammatini arfinilinni qaammallu qiteqqullugu tigummigallagaaqqasimammat.
Suliami pisimasumi 1-mi uppernarsaatit inernerannut tunngatillugu unnerluussisussaatitaasut arnamut mitagaanermut ajunngitsorsiassanut piumasaqaataannut unnerluutigineqartoq pinngitsuutinneqarpoq.
Eqqartuussiviup eqqartuussutaa allanngortinneqarpoq taamaalilluni unnerluutigineqartoq qaammatini qulini pineqaatissinneqarsimasunut inissiisarfimmiittussanngorlugu eqqartuunneqarluni.
Suliap normua: K 137/20