Suliaq aallaqqaataanit suliarineqartussanngortinneqarpoq - K 055/19

Eqqartuussissut Nunatta Eqqartuussisuuneqarfianit oqaatigineqarpoq ulloq 2. oktober 2020.

Taamaattumik unnerluussisussaatitaasut unnerluutiginninnerat piumasaqaataallu arsaarinninneq suliami matumani marloriaammik eqqartuussivitsigut malersuinermut tunngaviusumik aalajangersaanermut akerliunngilaq. Taamaattumik eqqartuussisuuneqarfiup Kalaallit Nunaanni Eqqartuussiviup eqqartuussutaa 18. februaari 2019-imeersoq atorunnaarsippaa suliallu aallaqqaataaniit piviusut tunngavigalugit unnerluutigisap pisuunera pillugu, aammalu arsaarinninnermut patsisit ilumut naammassineqarsimanersut, suliareqqitassanngorlugit.

Tamannalu, eqqartuussisuuneqarfiup eqqartuussummi 10. novembari 2016-imeersumi unnerluutigisap toqqortarisimagaa 2 kg hash uppernarsaatitut isigaat pisuunermut apeqqutip nalilersorneqarnerani, allaanerusumik inerniliisoqarsinnaanngilaq, eqqartuussisuuneqarfiup aalajangiiffigereermagu, uppernarsineqanngitsoq, taakku 62.900 koruunit unnerluutigisap immikkoortoq 7-imi iluanaarutigisimagai, aammalu pissuseq, suliani marluusuni iluanaarutinik arsaarinninnissaq piumasaqaatigineqarmat aamma allatut inerniliisoqarsinnaanngialq, piumasaqaat oqaatigineqareersutut pissutsinik atuuttunik assigiinngitsuusunik tunngaveqarmat.

Kalaallit Nunaanni Eqqartuussiviup eqqartuussutaa 18. februaari 2019-imeersoq suliamut unnerluutigineqartumut ingerlanneqartumi atorunnaarsinneqarpoq, suliarlu unnerluutigisap pisuuneranut apeqqutip piviusut tunngavigalugit aallaqqaataanit suliarineqartussanngortinneqarluni, aammalu taamaattoqassappat arsaarinninnissamut patsisit naammassineqarsimanersut.

Suliap normua: K 055/19

Eqqartuussissutit nassuiaatillu