21 mar 2022
Nunatta Eqqartuussisuuneqarfia
Inuiaqatigiinni sulisussaatitaanermik sivitsorneqassasoq - K 171/20
Unnerluussisussaatitaasup eqqartuussivimmi aalajangiunneqartoq inuiaqatigiinni sulisitaanissamik pineqaatissinneqarnerup allanngortinneqarnissaa inissiisarfimmiittussanngortitsinermut. Pinerluuteqarsimasunik Isumagin. ilisimatitsissutigineqarmat pinerluuteqarsimasoq takkutinngitsooqattaartarsimasoq.
Eqqartuussissut Nunatta Eqqartuussisuuneqarfianit oqaatigineqarpoq ulloq 28. oktober 2020.
Nunatta Eqqartuussisuuneqarfiata eqqartuussivik assigalugu Pinerluttunik Isumaginnittoqarfimmit paasissutissiissutini tunngavilersutigineqartut aallaavigalugit, unnerluutigineqartoq isumaqatigiissutigineqartunik pisussaaffigisanik eqquutsisimanngitsoq ilalerpaat, tamatumani unnerluutigineqartoq Frelsens Hæri-mi tallimariarluni isumaqatigiissutit unioqqutillugit takkussimanngitsoq, aammalu pingasoriarluni nakkutilliinermut atatillugu oqaloqatiginniffissani takkussimanngitsoq. Unnerluutigineqartullu nammineq nassuiaassutaa najoqqutaraluguli arlariarluni takkutinngiinnarnissamik imaluunniit nakkutilliinermut atatillugu oqatiginniffissamik nutaamik apuussiniarnerisa Pinerluttunik Isumaginnittoqarfimmut iluatsinngitsumik attaviginninniartarsimagaluarnera toqqammavigivattaaq.
Unnerluutigineqartullu ukiui perunganeralu toqqammavigalugittaaq unnerluutigineqartup suliassani nerisassanik killilersorneqartariaqartunik Frelsens Hæri-imiittunut inunnut agguaassiniarnermi suliakkiutigineqartut suliariniarnerini ajornakusoortitsisimanera Nunatta Eqqartuussisuuneqarfiata taamaassimasinnaanera ilimagaa.
Tamatumalu kingorna, Nunatta Eqqartuussisuuneqarfiata nalilerpaa, unnerluutigineqartup Pinerluttunik Isumaginnittoqarfik aammalu Frelsens Hæri suliakkiussaq naammassisinnaasorinagu paasititsereernerata kingorna, suliassanik allanik ikiorsiissummilluunniit tunineqarsimanngimmat, tamatumani suliakkiussamik naammassinninnissaanik aqqutissiueqataasinnaasimasinnaasunik, taamaammallu inuiaqatigiinni sullissisussaatitaanermi piffissaliussap sivisunerpaaffia qaammatinut arfineq pingasunut sivitsorneqassasoq, kiisalu pineqaatissiisoqarneraniit nakkutigineqarfissap piffissalerneqarnera ukioq ataasinngortillugu sivitsorneqassasoq, pinerluttulerinermik inatsimmi § 143, imm. 2, nr. 2 naapertorlugu.
Inuiaqatigiinni sulisussaatitaanermik suliarinninnissami piffissaliussap sivisunerpaaffia qaammatinut arfineq pingasunut sivitsorneqassasoq aammalu nakkutiginninnermi piffissaliussaq eqqartuunneqarnermiit ukioq ataatsimut sivitsorneqassasoq.
Suliap normua: K 171/20
Eqqartuussissutit nassuiaatillu