Aqquserngit angallannermut inatsimmi ilaanngitsut - K 254/19

Eqqartuussissut Nunatta Eqqartuussisuuneqarfianit oqaatigineqarpoq ulloq 29. oktober 2020.

Siullermik naliliiffigineqassaaq, piffiit pineqartut angallannermi inatsimmi ilaatinneqarsimanersut, tak. Kalaallit Nunaanni aqqusinertigut angallannermut inatsit § 1. Tassani apeqqut aalajangiiffigineqassalluni piffimmi pissutit qanoq innernnik immikkut nalinersuinikkut, angallannerup qanoq ittuuneranik qanorlu angallattoqartigineranik.

Uppernarsaasiinerup kingorna nunatta eqqartuussisuuneqarfiata pingaartippaa, eqqartorneqarmat piffik avinngarussimasumik inissisimasoq allanut aqqusineqanngitsoq, pisulluni tikinneqarsinnaanngitsoq avataanilluunnit qimussinut aqquteqanngitsoq. Hudson Greenland A/S 2015-mi piffimmi tassani aatsitassarsiornissaminut akuerisaanikuuvoq, taamaallaallu tassaniillutik inuit, suliffeqarfimmi atorfillit. Aqqutit piffimmiittut suliffeqarfiup pilersitarai katillugulu 16-17 km missaani takissuseqartut. Aqqutit pingaarnertut talittarfimminngaannit piaaffimmut ingerlaffigineqarsinnaapput annikitsumik sangujoraarneqarlutik ilaatigut piffimmut, suliffeqarfiup sulisuisa 10-20 najugarisaannut, sulinngikkaangamik. Paasissutissiissutigineqartut naapertorlugit qamutit 22 piffimmiipput, angissutsinut immikkoortikkaanni affai biilinut nalinginnaasunut ilaapput, affaatali aappaani qamutit angisoorsuit pineqarlutik. Qamutit tamarmik suliffeqarfimmit pigineqarput taamaallaallu sulinerup nalaani sulinermut attuumassuteqartunik atorneqartarlutik. Taamaattumik ersarinnerusumik paasissutissaateqartoqanngilaq piffimmi angallanneq qanoq annertutiginersoq.

Qulaani allassimasut tunngavigalugit paasissutissallu tamakkiisut nalilersoreerlugit nunatta eqqartuussisuuneqarfiara tunngavissarsinngilaa aalajangiiffigissallugu, piffimmi eqqartorneqartoq aqqusinertigut angallannertut nalinginnaasutut arlariinnillu ingerlateqarluni pisimasutut isiginiassallugu.

Taamaattumik Nunatta eqqartuussisuuneqarfiata suliffeqarfik unnerluussummi allassimasunut pinngitsuusutut isigaa.

Hudson Greenland A/S pinngitsuutinneqarpoq. 

Suliap normua: K 254/19

Eqqartuussissutit nassuiaatillu