29 apr 2021
Nunatta Eqqartuussisuuneqarfia
Nakuusernermik suliami eqqartuussut - K183/19
Angut 29-inik ukiulik Eqqartuussisoqarfik Sermersuumit eqqartuunneqarpoq ukiumi ataatsimi pineqaatissinneqarsimasunut inissiisarfimmiittussanngortinneqarluni pinerlineqartoq kiinaatigut sakkortuumik tilluarsimaneranut
Nunatta eqqartuussisuuneqarfiata inerniliinera
Nunatta eqqartuussisuuneqarfianit uppernarsineqarpoq unnerluutigineqartup pinerlineqartup talii aalajangeqqasimagai kiinnaatigullu tilluarlugu. Taamatullu aamma uppernarsineqarpoq tilluinerit ilaasa kingunerimmassuk pinerlineqartup ikuallattuulernissami matup aniffissiap sinaanut niaqquni sakkortuumik anaarlussimammagu. Tamatuma kingunerisaanik pinerlineqartoq ilisimajunnaarpoq aammalu sakkortuumik qaratsimigut sajuppillatsitsilluni, qaratsimilu talerpiata tungaatigut aanaartoorluni. Uani pineqarpoq nakuuserneq ulorianartoq aamma peqqarniitsoq, aamma unnerluutigineqartoq siusinnerusukkut nakuusersimanini pissutigalugu pineqaatissinneqarsimasunut inissiisarfimmiititaareersimavoq, kinguneqartinneqarporlu qaammatini arfineq pingasuni pineqaatissinneqarsimasunut inissiisarfimmiittussanngortitsinermik kiisalu ajoquserneqarnikkut anniaateqarnermut ajunngitsorsiassanik pinerlineqartumut akilissallugit 25.635 kr.-it.
Ulloq aalajangiiffik
Nunatta Eqqartuussisuuneqarfianit eqqartuussut nalunaarutigineqarpoq ulloq 8. Januar 2020-imi.
Suliap normua: K183/19
Nunatta Eqqartuussisuuneqarfiata eqqartuussutaa