02 nov 2021
Nunatta Eqqartuussisuuneqarfia
Suliareqqitassanngortitsinermi eqqartuussut - K 166/18
Angut 32-nik ukiulik Qeqqata Eqqartuussivianit eqqartuunneqarpopq qaammatini sisamani inissiisarfimmiittussanngorlugu.
Akiliisitsissut annertussuseqartoq 3.000 koruuninik arsaarinnissutigineqarlutillu 1.421,2 gram hash radiolu, hashimik anngiortumik eqqussineq aamma anngiortumik eqqusseriaraluarnermut kiisalu pisortat oqartussaatitaaneranik innarliinermut tunngasumik.
Eqqartuussiviup eqqartuussutaa unnerluussisussaatitaasunit suliareqqitassanngortinneqarpoq piumasaqaatigalugu eqqartuussivimmut unnerluussiissut malillugu pisuutitsilluni eqqartuussuteqarnissaq, tassani ilaammata unnerluutigisap pigisimagai iisartakkat 544-rut nukinnik suanngarsaatit.
Eqqartuussisuuneqarfiup inerniliinera
Inatsisartut peqqussutaat no. 7 ulloq 31. maaji 2001-imeersoq qasujanaversaatit inerteqqutaanerast pillugu, toqqammavigalugu, eqqartuussisuuneqarfik isumaqarpoq, nalorninartoqanngirtsoq, Kalaallit Nunaanni juuli 2001-imiilli pillaatissiissutigineqartassasoq ilaatigut nukinnik suanngarsaatinik eqqussineq pigisaqarnerlu.
Tamanna toqqammavigalugu eqqartuussisuuneqarfiup allanngortippaa eqqartuussiviup eqqartuussutaa, taamaalilluni unnerluutigisaq eqqartuussivimmut unnerluutigineqarnini malillugu pisuutinneqarluni arsaarinnissutigineqassallutillu nukinnik suanngarsaatit iisartakkat 544-rut.
Ulloq aalajangiiffiusoq
Eqqartuussut Nunatta Eqqartuussisuuneqarfianit oqaatigineqarpoq ulloq 29. januar 2019.
Suliap normua: K 166/18