Gå til sidens indhold

Nunatta Eqqartuussisuuneqarfia

21 dec 2020

Nunatta Eqqartuussisuuneqarfia

Pineqaatissiissummik sukannernerulersitsivoq - K 075/18

Angut 38-nik ukiulik nakuusernermut Qeqqata Eqqartuussisoqarfianit pisuutinneqarpoq, inooqatini tunuatigut marluk-pingasoriarlugu sakkortuumik tillussimallugu. Eqqartuussisoqarfiup taanna eqqartuuppaa mianersoqqussummik tunillugu.

Eqqartuussisoqarfiup eqqartuussutaa unnerluussisussaatitaasunit suliareqqitassanngortinneqarpoq piumasaqaatigineqarluni eqqartuussisoqarfiup eqqartuussutaa sukannernerulersinneqassasoq.

Nunatta Eqqartuussisuuneqarfiata inerniliinera

Nunatta Eqqartuussisuuneqarfiata nakuuserneq ima sakkukitsiginngimmat mianersoqqussuteqarnikkut aalajangiivigineqarsinnaasorinngilaa. Aamma pinerlineqartup unnerluutigineqartup panianut torersaaqqusisimanera unnerluutigineqartullu nerrivimmik igalaaminermik uppititsisooreernerata kingorna paniata igalaaminermut kilersimanera Nunatta Eqqartuussisuuneqarfiata sakkukillisaataasorinngilaa.

Unnerluutigineqartoq siornatigut eqqartuussaanikuunngimmat nunatta eqqartuussisuuneqarfiata eqqartuussut utaqqisitaq unnerluutigineqartup inatsisinik unioqqutitseqqinnaveersaartinneqarnissaanut naammattuusoraa.

Tamanna tooqammavigalugu eqqartuussisoqarfiup eqqartuussutaa Nunatta Eqqartuussisuuneqarfiata allanngortippaa unnerluutigineqartorlu eqqartuunneqarpoq ulluni 30-ni inissiisarfimmiittussanngortinneqalruni utaqqisitamik ukiumi ataatsimi misiligaaffiliinertalimmik.

Ulloq aalajangiiffiusoq

Eqqartuussut Nunatta Eqqartuussisuuneqarfianit nalunaarutigineqarpoq ulloq 16. juli 2018.

Suliap normua: K 075/18

Nunatta Eqqartuussisuuneqarfiata eqqartuussissutaa

Qeqqata eqqartuussiviata eqqartuussissutaa

Nassuiaat